తెలుగు ప్రేక్షకులకు విలన్గా పరిచయమై, ఆ తర్వాత హీరోగా తనకంటూ ప్రత్యేక గుర్తింపు తెచ్చుకున్న నటుడు గోపీచంద్ మరోసారి ప్రతినాయకుడిగా మారబోతున్నారనే వార్త ఇప్పుడు ఆసక్తికరంగా మారింది. తమిళ స్టార్ హీరో సూర్య నటించబోయే సినిమాలో గోపీచంద్ విలన్ పాత్రలో కనిపించనున్నట్లు ప్రచారం జరుగుతోంది. సూర్య తన కెరీర్లో 49వ సినిమాగా దర్శకుడు మతిమారన్ పుగళేంధితో ఓ ప్రాజెక్ట్ చేయబోతున్నట్లు వార్తలు వస్తుండగా, అందులో గోపీచంద్ను కీలక ప్రతినాయక పాత్రకు తీసుకోవాలని మేకర్స్ భావిస్తున్నట్లు టాక్ వినిపిస్తోంది. ఇదే నిజమైతే ఇద్దరు బలమైన నటులు ఒకే సినిమాలో తలపడటం ప్రేక్షకులకు ఆసక్తికరమైన అనుభూతిని అందించనుంది.
విభిన్నమైన కథలతో వస్తోన్న సూర్య
సూర్య ఎప్పటికప్పుడు విభిన్నమైన కథలను ఎంచుకుంటూ తన నటనలో కొత్త కోణాలను ఆవిష్కరించే ప్రయత్నం చేస్తున్నారు. కమర్షియల్ సినిమాలతో పాటు ప్రయోగాత్మక కథల్లోనూ నటిస్తూ తమిళంతో పాటు తెలుగు ప్రేక్షకుల్లోనూ మంచి మార్కెట్ సంపాదించుకున్నారు. ఇప్పుడు ‘మండాడి’ సినిమాతో గుర్తింపు తెచ్చుకున్న మతిమారన్ దర్శకత్వంలో నటించబోతున్నారనే వార్త సూర్య అభిమానుల్లో ఆసక్తిని పెంచుతోంది. స్పోర్ట్స్ నేపథ్య కథలను ఆసక్తికరంగా తెరకెక్కించడంలో గుర్తింపు పొందిన మతిమారన్, సూర్య లాంటి స్టార్ హీరోతో ఎలాంటి కథను రూపొందించబోతున్నారనేది చర్చనీయాంశంగా మారింది. ఈ సినిమాలో గోపీచంద్ ప్రతినాయకుడిగా నటిస్తే కథకు మరింత బలం చేకూరే అవకాశం ఉందనే అభిప్రాయాలు వ్యక్తమవుతున్నాయి.
కెరీర్ ప్రారంభంలో విలన్ గా గోపీచంద్
గోపీచంద్ విషయానికి వస్తే, ఆయన కెరీర్ ప్రారంభంలోనే విలన్గా మంచి గుర్తింపు తెచ్చుకున్నారు. ‘జయం’ సినిమాలో రఘు పాత్రతో ఒక్కసారిగా అందరి దృష్టిని ఆకర్షించిన ఆయన, ‘నిజం’, ‘వర్షం’ సినిమాల్లోనూ ప్రతినాయకుడిగా అద్భుతమైన నటన కనబరిచారు. ముఖ్యంగా ‘వర్షం’లో భద్రన్న పాత్రలో ఆయన చూపించిన క్రూరత్వం, గంభీరమైన నటన అప్పట్లో ప్రేక్షకులను ఎంతగానో ఆకట్టుకున్నాయి. హీరోలకు ధీటుగా విలనిజాన్ని పండించగల నటుడిగా ప్రశంసలు అందుకున్నారు. ఆ తర్వాత ‘యజ్ఞం’ సినిమాతో హీరోగా మారి యాక్షన్ చిత్రాలతో తనకంటూ ఒక ప్రత్యేకమైన అభిమాన వర్గాన్ని ఏర్పరచుకున్నారు.
ఇటీవల గోపీచంద్ ‘రామబాణం’, ‘భీమా’, ‘విశ్వం’ వంటి సినిమాల్లో నటించారు. ఆశించిన స్థాయిలో కొన్ని సినిమాలు విజయాన్ని అందుకోలేకపోయినా, యాక్షన్ హీరోగా తన ప్రయత్నాలను కొనసాగిస్తున్నారు. ప్రస్తుతం సంకల్ప్ రెడ్డి దర్శకత్వంలో ‘భరతవర్ష: సాగా ఆఫ్ శూల’ అనే భారీ చిత్రంలో నటిస్తున్నారు. చారిత్రక నేపథ్యంతో తెరకెక్కుతున్న ఈ సినిమాలో ఆయన విభిన్నమైన పాత్రలో కనిపించనున్నట్లు తెలుస్తోంది. హీరోగా వరుస సినిమాలు చేస్తున్న సమయంలోనే ఇప్పుడు మరోసారి విలన్ పాత్రకు సిద్ధమవుతున్నారనే వార్త ఆయన కెరీర్లో ఆసక్తికరమైన పరిణామంగా చెప్పుకోవచ్చు.
సూర్య సినిమాలో గోపీచంద్ నిజంగానే ప్రతినాయకుడిగా నటిస్తే, ఆయనకు పాత రోజుల్లో వచ్చిన విలన్ ఇమేజ్ మరోసారి బలపడే అవకాశం ఉంది. సూర్య లాంటి స్టార్ హీరోకు ఎదురుగా బలమైన ప్రత్యర్థిగా కనిపిస్తే, ఇద్దరి మధ్య సన్నివేశాలు సినిమాకు ప్రధాన ఆకర్షణగా నిలవవచ్చు. అయితే ఈ కాంబినేషన్పై ఇప్పటివరకు అధికారిక ప్రకటన వెలువడలేదు. దీంతో ఈ వార్త నిజమవుతుందా? గోపీచంద్ మళ్లీ విలన్గా తన పాత మ్యాజిక్ చూపిస్తారా? అన్నది తెలియాలంటే మరికొంత సమయం వేచి చూడాల్సిందే.
నిజంగానే గోపీచంద్ విలన్ గా మళ్లీ నటిస్తాడా?
గోపీచంద్ విలన్ గా నటించి మంచి గుర్తింపును సంపాదించుకున్న తర్వాతే హీరోగా మారారు. ఆ తర్వాత ఆయన ఎన్నో సార్లు విలన్ గా నటిస్తే బాగుంటుందని అనేక మంది అభిప్రాయాలను వ్యక్తం చేశారు. కానీ ఆయన మాత్రం హీరో గానే కంటిన్యూ అయ్యారు. మళ్ళీ ఇలాంటి సమయంలో తమిళ హీరో సూర్య నటించబోయే చిత్రంలో విలన్ గా నటించబోతున్నట్లు వార్తలు వస్తున్నాయి. ఇలాంటి సమయంలో ఆయన నిజంగానే విలన్ గా మళ్ళీ నటిస్తారా అనే అనుమానాలు పెద్ద ఎత్తున వ్యక్తం అవుతున్నాయి. మరి గోపీచంద్ నిజంగా విలన్ గా నటిస్తే ఆ సినిమాపై హైప్ భారీగా పెరిగే అవకాశం కూడా ఉందని సినీ విశ్లేషకులు అభిప్రాయపడుతున్నారు.
‘భరత వర్ష’పై భారీ ఆచనాలు
గోపీచంద్ ప్రస్తుతం భరత వర్షా అనే చిత్రంలో హీరోగా నటిస్తున్నారు. ఈ సినిమాపై ప్రేక్షకుల్లో మంచి అంచనాలు ఉన్నాయి. ఈ మూవీ విజయం సాధిస్తే మళ్లీ గోపీచంద్ మునపటి లాగా ఫుల్ బిజీ అయ్యే అవకాశం ఉంటుంది. మరి ఈ సినిమాతో ఆయన ఎలాంటి విజయాన్ని అందుకుంటాడు అనేది కూడా ప్రస్తుతం ఆసక్తిగా మారింది.



