టాలీవుడ్‌లో విక్టరీ వెంకటేష్ సినిమాలకు ఫ్యామిలీ ఆడియన్స్‌లో ప్రత్యేకమైన క్రేజ్ ఉంటుంది. ముఖ్యంగా కుటుంబ ప్రేక్షకులను ఆకట్టుకునే కథలతో వస్తే బాక్సాఫీస్ వద్ద మంచి ఆదరణ లభిస్తుందని ఇప్పటికే ఎన్నో సినిమాలు నిరూపించాయి. ఈ క్రమంలో విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ కలయికలో ప్రేక్షకుల ముందుకు వచ్చిన తాజా చిత్రం ‘ఆదర్శ కుటుంబం’ (హౌస్ నెం. 47). ఈ సినిమాలో బ్యూటిఫుల్ నటి శ్రీనిధి శెట్టి హీరోయిన్గా నటించగా నివేదా పేతురాజ్, నారా రోహిత్ కీలక పాత్రల్లో నటించారు. ఎస్ ఎస్ తమన్ సంగీతం అందించిన ఈ సినిమాను హారిక అండ్ హాసిని క్రియేషన్స్ బ్యానర్ వారు నిర్మించారు. ఇక అక్టోబర్ 30వ తేదీన విడుదలైన ఈ సినిమా ప్రస్తుతం బాక్సాఫీస్ వద్ద తన సత్తా చాటుతోంది. విడుదలైన మొదటి రోజు మిశ్రమ స్పందన వచ్చినప్పటికీ, రెండో రోజు మాత్రం వసూళ్లలో మంచి గ్రోత్ నమోదు చేసింది. మరి ఈ సినిమా రెండు రోజుల బాక్సాఫీస్ ప్రదర్శన ఎలా ఉందో ఇప్పుడు చూద్దాం.

రెండో రోజు పెరిగిన వసూళ్లు..

‘ఆదర్శ కుటుంబం’ సినిమా ప్రపంచవ్యాప్తంగా తొలి రోజు సుమారు రూ.16.65 కోట్ల గ్రాస్ వసూళ్లను సాధించింది. మొదటి రోజు వచ్చిన టాక్‌ను అధిగమిస్తూ రెండో రోజు బాక్సాఫీస్ వద్ద మెరుగైన ప్రదర్శన కనబరిచింది. ముఖ్యంగా శనివారం కావడంతో థియేటర్లకు వచ్చే ప్రేక్షకుల సంఖ్య పెరిగింది. ట్రాకింగ్ గణాంకాల ప్రకారం రెండో రోజు భారతదేశంలో ఈ సినిమా నెట్ వసూళ్లు సుమారు రూ.10.40 కోట్లకు చేరుకున్నాయి. అలాగే థియేటర్ ఆక్యుపెన్సీ కూడా మొదటి రోజు 44.1 శాతం నుంచి రెండో రోజు 48.1 శాతానికి పెరిగింది. దీంతో సినిమా బాక్సాఫీస్ ప్రయాణంపై ట్రేడ్ వర్గాల్లో ఆసక్తి నెలకొంది.

రెండు రోజుల ఏరియా వైజ్ కలెక్షన్స్..

ఇక రెండు రోజుల్లో ఈ సినిమా సాధించిన ప్రాంతాల వారీ వసూళ్లను పరిశీలిస్తే.. ఆంధ్రప్రదేశ్, తెలంగాణ మార్కెట్లలో మంచి కలెక్షన్లు నమోదు చేసింది. ముఖ్యంగా తెలుగు రాష్ట్రాల నుంచే అత్యధిక వసూళ్లు రావడం విశేషం.

తెలంగాణ (నైజాం)లో రూ.9.25 కోట్ల గ్రాస్ వసూళ్లు సాధించగా, ఆంధ్రప్రదేశ్‌లో రూ.10.75 కోట్ల గ్రాస్‌ను రాబట్టింది. దీంతో రెండు తెలుగు రాష్ట్రాల్లో కలిపి రూ.20 కోట్ల గ్రాస్ వసూళ్లు నమోదయ్యాయి. ఇక కర్ణాటకలో రూ.3.10 కోట్లు, భారతదేశంలోని ఇతర ప్రాంతాల్లో రూ.1.10 కోట్ల గ్రాస్ వసూళ్లు వచ్చాయి. దీంతో ఇండియా వైడ్‌గా ఈ సినిమా మొత్తం గ్రాస్ రూ.24.20 కోట్లకు చేరుకుంది. నెట్ కలెక్షన్లు సుమారు రూ.20.15 కోట్లుగా ఉన్నాయి.

ఓవర్సీస్‌లోనూ మంచి స్పందన..

విదేశీ మార్కెట్‌లో కూడా ‘ఆదర్శ కుటుంబం’ సినిమా మంచి వసూళ్లను రాబడుతోంది. ముఖ్యంగా ఓవర్సీస్ ప్రేక్షకుల నుంచి లభిస్తున్న ఆదరణ సినిమాకు అదనపు బలంగా మారింది. ఇప్పటివరకు విదేశాల్లో సుమారు రూ.11.50 కోట్ల గ్రాస్ వసూళ్లు వచ్చినట్లు గణాంకాలు సూచిస్తున్నాయి. దీంతో రెండు రోజుల్లో ప్రపంచవ్యాప్తంగా ఈ సినిమా రూ.33.95 కోట్ల నుంచి రూ.35.70 కోట్ల వరకు గ్రాస్ వసూళ్లు సాధించినట్లు తెలుస్తుంది.

బ్రేక్ ఈవెన్ టార్గెట్ ఎంతంటే?

ఇక ఈ సినిమా ప్రీ రిలీజ్ బిజినెస్ విషయానికి వస్తే ప్రపంచవ్యాప్తంగా సుమారు రూ.63 నుంచి రూ.64 కోట్ల థియేట్రికల్ బిజినెస్ జరిగినట్లు సమాచారం. ఈ లెక్కన సినిమా క్లీన్ హిట్ స్టేటస్ అందుకోవాలంటే ఇంకా గణనీయమైన వసూళ్లు సాధించాల్సి ఉంటుంది. ప్రస్తుతం రెండు రోజుల్లోనే రూ.34 కోట్లకు పైగా గ్రాస్ వసూళ్లు సాధించడం సానుకూల అంశంగా చెప్పుకోవచ్చు.

వీకెండ్ వసూళ్లపైనే అందరి దృష్టి!

సినిమాకు రెండో రోజు వచ్చిన గ్రోత్ ఇప్పుడు ట్రేడ్ వర్గాల్లో ఆసక్తిని పెంచుతోంది. ముఖ్యంగా ఆదివారం వసూళ్లు కూడా ఇదే స్థాయిలో కొనసాగితే సినిమాకు మరింత ప్రయోజనం కలిగే అవకాశం ఉంటుంది. అయితే మిక్స్ డ్ టాక్ నేపథ్యంలో సోమవారం నుంచి వసూళ్లు ఎలా ఉంటాయనేది కూడా కీలకంగా మారనుంది. మొత్తానికి వెంకటేష్, త్రివిక్రమ్ కాంబినేషన్‌లో వచ్చిన ‘ఆదర్శ కుటుంబం’ మొదటి రెండు రోజుల్లో బాక్సాఫీస్ వద్ద మంచి వసూళ్లను సాధించింది. మరి రాబోయే రోజుల్లో ఈ సినిమా బ్రేక్ ఈవెన్ మార్కును అందుకొని బాక్సాఫీస్ వద్ద విజేతగా నిలుస్తుందా అనేది చూడాలి.